News

Lace「喱士」可算是令人又愛又恨的布料，一方面可以令女生女人味滿瀉，嫵媚優雅，仙氣不凡，另一方面它可以令女生變得庸俗。所以要懂得巧妙地配襯Lace是很重要，立即示範 3 種Lace Style，打造不同時尚Lace造型：

1. 氣質與仙氣的打扮～

透視雪紡加Lace邊恤衫或外套，配襯同色系Top，加上織花Lace長裙，立刻令女生散發出氣質與仙氣，透出的膚色更有輕盈感。跟心儀的男生約會時這樣穿，男生肯定會心心眼！ 

2. 知性的日系感覺～

白色通花Lace衫襯卡其色下身，令造型更有日系感覺，不論以卡其裙或卡其長褲作配搭，能散發著斯文知性的風格，同時也特顯隨性甜美一面。

3. 溫柔優雅的上班服飾～

上班服飾中加入Lace元素，可以選擇深色Lace ，溫柔優雅之餘又帶點女人獨有的魅力，增添時尚氣息。另外，也可以穿搭輕薄的長外套，去增強造型的層次感，展現當代女生的時裝觸角。

Lace「喱士」是歷久不衰的單品，百搭易襯，又能輕鬆展現溫柔、浪漫、甜美、時尚的感覺，而且春夏秋冬也適合穿著，妳怎能不入手一兩件配襯呢？

唔太OVER的oversize、攝衫、小細節轉移視覺是關鍵、幫妳着得苗條！

妳係咪好羨慕街上女仔睇起黎身形比例好好，一個比一個苗條呢？唔好再只會羨慕人地啦！等我依家過你幾招「顯瘦穿搭」幫妳化身苗條仙女，以後在街度實俾人眼昅昅、心心眼，心動的妳就邊睇邊將秘技都記低啦！

1. 唔太OVER的oversize

成日聽人講着得貼身先顯瘦，咁係因為人地本身真係瘦啫！想要營造顯瘦的視覺效果，就快快將衣櫃入面FIT身衫通通換左佢啦，選擇小跌膊款TEE或上身TOP唔單止IT又能將手臂的肉肉完美隱藏！上身TOP最好選擇剛剛遮住小腹長度，太長遮到盆骨都唔得，咁樣視覺會啱啱停留係屁股最寬地方，要注意OVERSIZE之餘Size都要剛剛好先得架

 2. 攝衫是關鍵

就算妳啱啱肥正係肚腩度，但妳一定仲係有腰！好多女孩都誤會左，其實真正的腰係最後一條肋骨下方的凹陷處，可以利用高腰的下身製造出更明顯的腰線，亦可以將上身TOP攝入褲內，記得唔好攝得太緊，稍微將衫拉出小小，就會有好看的腰線啦！同樣道理製造出曲線，自然就唔會顯肥啦~

 3.小設計細節轉移視覺

利用服裝上的小細節都能夠視覺轉移焦點，例如好多褲或裙下擺都會做小開衩細節設計，除左可以顯腿長之外，亦是利用開衩將腿細的地方露出來。或者選擇可以露鎖骨的上身TOP等等，重點係邊處瘦就露邊度，邊處肥就遮邊度，等我地可以小露性感又唔會顯得成個人都係肉，大家係買衫時就要選擇有心機小設計款式啦！